أهم ما يميز مطبخ حوض المتوسط وخاصة مطبخ الشرق الأوسط هو اعتماده بشكل أساسي على الخضار وزيت الزيتون، وهاد النوع من الأغذية معروف بمساعدته على الحماية من الأمراض المختلفة يلي عمتسببها حالياً الأطعمة المصنّعة والوجبات السريعة.

وبنفس المستوى من الأهمية، يلي بيميز المطبخ العربي والشرقي هو التاريخ يلي بيرافق كل طبق من الأطباق، وقصص بدايتها وتطورها، وكيف صارت موجودة على موائدنا هلأ.

​

منصة أكلات هيي منصة عربية المانية للمطاعم والأطباق الشرقية.
من خلال الموقع والتطبيق، رح يقدر أي حدا موجود بالمانيا انه يلاقي الأطباق يلي بيحبها سواء كانت من المطبخ السوري، اللبناني، العراقي، المصري، المغربي، وغيرها من المطاعم الشرقية المنتشرة حوالينا، ويطلبها وتوصل لعنده من خلال الخدمة يلي بيقدمها المطعم.

​

أجمل شي بالمشروع بنظري هو أن أي حدا ما جرب مطبخنا من قبل و مابيعرف شي عن أي طبق عميشوفه، صار بيقدر (بالإضافة لطلب وتوصيل الوجبات) يعرف ويقرأ التفاصيل والمعلومات المصحوبة مع كل أكلة، قصتها وأصلها وتاريخها، بالإضافة انه رح يشوف الفيديوهات المتعلقة فيها واللي عمتتصور بشكل شبه يومي من قبل فريق المنصة، وبمختلف المدن والمطاعم حول المانيا ومع أشهر الطباخين والشيفات والمؤثرين على السوشال ميديا.

​

بلشت الفكرة عام 2016

وصلت لألمانيا و صممت تطبيق للموبايل ليساعد الناس تلاقي كل أماكن الأكل الشرقي، مطاعم مقاهي سوبرماركت وغيرها.

​

نجح المشروع يلي اسمه Pinda Station واستخدم التطبيق أكثر من 12 الف شخص، واحتوى على أكثر من 5 الاف مطعم، سوبرماركت ومقهى عربي حول اوروبا، وتم استخدامه في 13 بلد لغاية عام 2020 وبلشت بعدها بالمشروع الجديد.

​

تطور المشروع، وهلأ صار اسمه (أكلات)، وفيه كل الميزات يلي طلبوها المستخدمين خلال الفترة يلي اشتغلنا فيها عالمشروع السابق، وبتمنى يكون التطبيق مع الوقت من ضمن أفضل التطبيقات ومنافس بالسوق الأوروبية. وتصير المنصة الأولى لطلب الأكل العربي والشرقي والتعريف فيه، بكل مكان حول العالم.

​

9 نوفمبر 2022

كنان داده، مؤسس ومطور المشروع